الزين اللي فموازين..
إلا..إلا موازين..راكم عارفين شكون اللي واقف عليه.. الناس الصحاح ديال بصاح…
وخا تغني عريانة..اسيدي حتى يكون الشي بحال الشي..
جنيفر مسكينة غير مهبولة وبفلوسها وكدير أحسن ثمانيتون..ماشي بحال لبنى السريعة من حي شعبي مراكشي إلى مهرجان دولي وسبب شهرتها اتقانها لتخصار الهضرة..دارت كوبي كولي ال داكشي اللي فالشارع..
المشكل ماشي فجنيفر..المشكل فاللي سمح ورخص ببث هداكشي وداوزو في قناة عمومية على غفلة ومقرينا حسابو..داكشي بحال الزلزال مكيعلمش..
اجي واش ماشي حنا اللي كنعانيو من النفاق الاجتماعي و ازدواجية المواقف..أو مرة مرة كنديرو فيها فقهاء..؟
أولا كاين اللي فعلا باقا فيه الحشمة لهاذ الدرجة ومن حقو يحتج على قناة عمومية كيخلصها من فلوسو حاولات زعزعة عقيدتو وقللات عليه الحيا قدام وليداتو..
ثم واش باقي داك الشطيح والبكيني عيب وحشومة عند الاسر المغربية..وخا مرة مرة كنشوفوه في تظاهرات قفطان والمسابح وحتى الشواطئ المغربية ؟
انا غير داوي..
انا غير داوي
عذراً التعليقات مغلقة