بعد التصريحات النارية التي أدلى بها القيادي في حزب العدالة و التنمية “عبد العزيز أفتاتي” للصحافة و التي وصف فيها رئيس حزب التجمع الوطني للأحرار “عزيز أخنوش” بـ”الشناق” خرج رئيس الحكومة المعين “عبد الإله بنكيران” لمهاجمة “أفتاتي” بشكل مباشر داعياً إياه للصمت عن الكلام.
“بنكيران” الذي كان يتكلم في الجلسة الإفتتاحية للقاء للوطني الثاني لرؤساء الجماعات والمقاطعات لحزب العدالة والتنمية صبيحة اليوم السبت بسلا، هاجم “أفتاتي” بالقول ” فينا أشخاص رجليهم خارجين من الشواري ..و تعيا تشرح ليهم والو وهم يضرون بالمسار ديال الحزب ومنهم داك أفتاتي راه خاصو إسكت”.
و أضاف الأمين العام لحزب العدالة و التنمية في كلمته بنبرة غاضبة أنه يحاول أن يجلب “أخنوش” للحكومة وهو كيطيح داكشي لي كنبنيو فيه و والو نعياو نهضرو معاه مكيكر فيه الكلام” مخاطباً أنصاره بالقول “تحملو مسؤوليتكم عن كلامكم أيها الإخوان ..راه متحسوش بلي راكوم محميين راني كنعاني من تصريحاتكم التي تضر بمسار الحزب”.
بنكيران أضاف بالقول “داك لكلام ماخصوش اتقال ..غدا أفتاتي يكون مع اخنوش ويسلم عليه..واش حنا متنعرفوش أخنوش راه رجل طيب و ولد الناس و نحن معه في كامل الإنسجام و لي بغا اعبر خاصو إتأدبو يدير الصواب راه سخفتونا ..عندكوم تقولو راه حنا محميين ..راه ماشي هادا حزب تقول لي بغيتي و دير لي بغيتي ..خاصكم تحملو مسؤوليتكم “.
و اعتبر رئيس الحكومة المعين أن هذا النموذج سوف نحاربه في إشارة لـ”أفتاتي” مشيراً إلى أن “لي بغا الحرية اخرج من الحزب و يمشي اقول لي بغا ويتحمل المسؤولية و خاص اتكلم بالصواب و المعقول و مرحباً به”.
واضاف “بنكيران” بالقول ” لا نريد أن نحرمكم من الحرية لكن في المقبل عليكم أن تتحملوا مسؤولية ما يصدر عنكم ماشي لي جاتو شي حاجة للبال إقولها راني كنخلص مزيان على داكشي ..وخاصة تصريحات ديال داك أفتاتي..واش شي كيبني و شي كيطيح غير معقول ..راه ماشي صعيب علي نمشي نحط السوارت للملك ونعلن على الفشل ديالي ولكن كنخاف نصبح نسمح فيكم و نخرج من الحزب بطريقة غير مرضية”.
عبد الاله بنكيران يقصف ‘أفتاتي’:خاصك تسكت ورجليك خرجو من شواري’
عذراً التعليقات مغلقة