” عائشة كضي” : الزيارة اللي قاموا بيها سيدات الأعمال فرصة باش نعطيو إشعاع وتنمية للإقليم

رشيد حموش12 فبراير 2022آخر تحديث :
” عائشة كضي” : الزيارة اللي قاموا بيها سيدات الأعمال فرصة باش نعطيو إشعاع وتنمية للإقليم

متابعة – رشيد كداح // صفرو

 ماشي عاد اليوم كتكون زيارات لإقليم صفرو لقوافل وهيئات وإطارات ولاكين بفعل الجهود ديال واحد الفاعلة جمعوية معروفة بأصولها العائلية الكبيرة وعندها إمتداد ، قدرات تعطي إشعاع بعمل ربما يقدر يبان للبعض أنه بسيط ولاكين ماشي ساهل .

” عايشة كضي ”  إمرأة بأصول  أمازيغية ترعرع  بإقليم صفرو محبة للعمل الخيري والإجتماعي بطبيعتها هي عضوة فإطار كيضم سيدات الأعمال بالمغرب .

خططات برزانة وتأهب ويقضة  للزيارة اللي قاموا بيها ” نساء عندهم مكانة وكلمتهم قد دراعهوم  ”  لإقليم صفرو هاد الأسبوع .

هاد النساء إلا قالوا أحنا غانساهموا فالتنمية المحلية ديال إقليم صفرو فعلا هادي هي الخطوة والبداية الأولى اللي داروها وكيرجع الفضل الكبير كيفما قالت الرئيسة ” فتيحة عثمان ” لعائشة كضي ” .

كانت زيارة تضامنية إنسانية إجتماعية لدار العجزة و  جابو كراسي متحركة ومشاو لدار الطالبة وقدموا  أغطية و دارو زيارة لسد علال الفاسي أكثر من ذلك  خلال هادشي كامل كانت نقاشات ومباحثات اللي أكدت “عائشة كاضي ” لهاد النساء النشيطات وطنيا ودوليا أن الإقليم ديالها غتدافع عليه و خاص تكون فيه قفزة نوعية و أنها مستعدة تجيب مشاريع تنموية ” وهادشي فعلا تقبلوه بصدر رحب و بالتأكيد غادي تكون زيارة عمل عندهم لإقليم صفرو مستقبلا .

واحد الفاعل جمعوي سولناه قال أننا  اليوم كنفرحوا ملي كنشوفوا بحال هاد العيالات ومثل ” عائشة كضي” بنت بلادنا  و اللي كيعطيو نموذج المرأة المغربية وكيشرفوا البلاد وكيرفعوا بسمعة النساء ديال جهة فاس مكناس _إقليم صفرو .

التعليقات

عذراً التعليقات مغلقة

اكتب ملاحظة صغيرة عن التعليقات المنشورة على موقعك (يمكنك إخفاء هذه الملاحظة من إعدادات التعليقات)
    الاخبار العاجلة